मिरिक वार्ड नम्बर 2 मा गोरामुमो-द्वारा सेनिटाइज

मिरिक : गोरामुमो मिरिक समष्टिको आयोजनामा आज मिरिक नगरपालिकाको वार्ड नम्बर 2 अन्तर्गत पर्ने बजार क्षेत्रमा सेनिटाइज गरियो। यस अवसरमा मिरिक शाखा अध्यक्ष महेन्द्र खड्का, कार्यालय सचिव सहदेव रनपहेँली प्रमुख रूपमा उपस्थित थिए। महेन्द्र खड्काले बताएअनुसार गोरामुमो पार्टी अध्यक्ष मन घिसिङको निर्देश अनुसार पार्टीको तर्फबाट मिरिक नगरपालिकाको विभिन्न वार्डहरूमा लगातार सेनिटाइज गरिने कार्य भइरहेको छ। यसबाहेक नगरपालिकाको सबै वार्डहरूमा पार्टीका भोलेन्टियरहरूद्वारा सेनिटाइज गरिएपछि मिरिकको सियोक, ओकाइटी चियाबारी, थर्बु चियाबारी आदि ठाउँहरूमा पनि सेनिटाइज गरिने योजना रहेको छ। सेनिटाइजको निम्ति चाहिने सबै सर-समानहरू विधायक निरज जिम्बा र विधायक बीपी बजगाइँले उपलब्ध गराइरहेको तिनले बताए।