मोबाइल टावरबाट चोरी भएको 16 वटा ब्याट्रीसहित 7 जना पक्राउ

सिलगढी : मोबाइल टावरबाट ब्याट्री चोरी भइरहेको घटनामा एनजेपी थाना पुलिसले ठुलो सफलता हासिल गरेको छ। पुलिसले यस मामिलामा 7 जना व्यक्तिलाई पक्राउ गर्नको साथै चोरी गरेको 24 वटा ब्याट्रीमध्ये 16 वटा ब्याट्री पनि उद्धार गरेको छ। स्मरण रहोस्, गत केही समयदेखि सिलगढीको विभिन्न ठाउँबाट मोबाइल टावरमा लगाइएको ब्याट्री चोरी भइरहेको थियो। यसबारे निजी कम्पनीहरूले सिलगढी मेट्रोपोलिटन पुलिसको विभिन्न थाना लगायत एनजेपी पुलिस थानामा पनि अभियोग दर्ता गरेको थियो। अभियोगको आधारमा एनजेपी थाना पुलिसले सादा पोशाकमा अभियान चलाएर गत आइतबार एनजेपी स्टेशन संलग्ल इलाकाबाट तीनजना अनि सोमबार दुईजना गरेर मोठ 5 जना व्यक्तिलाई पक्राउ गरेको थियो। यसपछि पुलिसले अझै 2 जना व्यक्तिलाई पक्राउ गरेर तिनीहरूसित सोधखोज गरेर रहल चोरी गरेको ब्याट्री उद्धार गर्ने प्रयास गरिरहेको बताइएको छ।