मुख्यमन्त्रीलाई भाजपा सरकारले अपमान गरेको आरोप लगाउँदै हिल तृणमूलद्वारा घोर भर्त्सना

मिरिक:  सुभाषचन्द्र बोसको 125 औं जन्म जयन्तीको अवसरमा कोलकाताको भिक्टोरिया मेमोरियल हलमा आयोजित कार्यक्रममा राज्यकी मुख्यमन्त्री ममता ब्यानर्जीलाई निमन्त्रणा गरेर भाजपाले अपमान गरेको अनि जय श्रीराम-को नारा लगाएको घट्नालाई लिएर आज हिल तृणमूल कङ्ग्रेसले घोर भर्त्सना जनाएको छ । हिल तृणमूल कङ्ग्रेस अध्यक्ष एलबी राईले आज मिरिक पार्टी कार्यालयमा प्रेस सम्मेलन डाकेर घोर भर्त्सना गर्दै नेताजी सुभाषचन्द्र बोसको जन्म जयन्ती सरकारी हो, जसलाई भाजपाले निजी बनाउँदै जय श्रीरामको नारा लगाउनाले भाजपाको राजनैतिक उद्देश्य के छ भऩ्ने स्पष्ट बुझिन्छ भन्दै भाजपाको राजनैतिक चरित्र उदाङ्गो भएको बताए। देशको सर्वोच्च स्थान अनि सम्मानीय  राष्ट्रपति भवनमा नेताजी सुभाषचन्द्र बोसको तस्वीरको ठाउँमा फिल्म स्टार प्रसनजीत च्याटर्जीको तस्वीरमा जन्म जयन्ती पालन गरिएकोले वर्तमान भारत सरकारले नेताजीमाथि कति जानकारी अनि देशको संस्कृतिको ज्ञान राख्छ स्पष्ट भएको छ भन्दै तिनले राष्ट्रपति रामनाथ कोविन्दको राष्ट्रपति भवनलाई यो घट्नाले बदनाम गरेको दावी गरे।