मुख्यमन्त्रीले गरे जलपाईगढी र अलिपुरद्वार जिल्लाका विधायक तथा नेताहरूसित बैठक

सिलगढी : राज्यकी मुख्यमन्त्री ममता ब्यानर्जी विमानमार्फत् आज बाघडुग्रा आइपुगेपछि यहाँबाट फेरि हेलीकप्टरमार्फत् जलपाईगढी गइन्। प्राप्त जानकारी अनुसार मुख्यमन्त्री ममता ब्यानर्जी आज अपरान्ह 3 बजेर 8 मिनटमा जलपाईगढीको पुलिस लाइनको हेलीप्याडमा ओर्लिएपछि यहाँबाट सड़क मार्ग भएर जलपाईगढी क्लब रोडस्थित लोक निर्माण विभागको बाङ्ग्लोमा पुगिन्। त्यहाँ तिनले जलपाईगढी र अलिपुरद्वार जिल्लाका विधायक तथा नेताहरूसित एउटा बैठक गरिन्। उक्त बैठकमा दुवै जिल्लाको जिल्ला परिषदका सभाधिपति, प्रत्येक नगरपालिकाका चेयरम्यान तथा प्रशासक मण्डलीका चेयरपर्सन लगायत अन्य धेरैजना नेताहरू पनि उपस्थित थिए।