नदीको किनारबाट एकजना वृद्धाको शव उद्धार

बाघडुग्रा, 28 सेप्टेम्बर (निसं): बाघडुग्राको कमलपुर चिया बगानको हुलिया नदीको किनारबाट एकजना वृद्धाको शव उद्धार भएपछि क्षेत्रमा सनसनी फैलिएको छ। मृतकको नाम जीतनी लोहार (80) हो। जानकारी अनुसार, वृद्धा आफ्नो छोरीको घरमा बस्दै आइरहेकी थिइन् तर मानसिक स्वास्थ्य सम्बन्धी समस्याको कारण कहिलेकाहीं तिनी घरबाट बाहिर निस्कन्थिन्। गएको राति पनि वृद्धा घरबाट निस्किएकी थिइन्। आज दिउँसो नदीको किनारबाट उक्त वृद्धाको शव फेला पारिएको छ।
अर्कोतिर, घटनाको जानकारी पाएपछि बाघडुग्रा थाना पुलिस घटनास्थलमा पुगेर शवलाई उद्धार गरेपछि पोस्टमार्टमको लागि उत्तरबंग मेडिकल कलेज एवं अस्पतालमा पठाइदिएको छ। पुलिसले सम्पूर्ण घटनाको जाँच गरिरहेको छ।