सुकेपोखरी: सुके खण्डको पोख्रेबुङ ग्राम पञ्चायत नागरी फार्म चियाबारी तल्लो विभाग सिरूबारी गाउँ निवासी नर्बु भोटियाको घर गत राति परेको मुसलधारे पानीको कारण पैह्रोको चपेटामा परेर क्षतिग्रस्त बनेको छ। लगभग 12 बजी राती पैह्रो गएको परिवार पक्षको भनाइ छ । नर्बु ,तिनकी पत्नी तथा दुईजना नानीहरू गरेर चार सदस्य परिवार बस्दै आएको पनि तिनले बताए।
पैह्रोले तिनकी पत्नीलाई पुरेको थियो तर निकाल्न सफल बनेको नर्बुले बताएका छन् । हाल सबै सुरक्षित रहेको तथापि लुगाफाटा, भाड़ाकुड़ा तथा सम्पूर्ण सर सामान पैह्रोमा पुरिएको तिनले बताए ।