नागरी फार्ममा तीन दिवसीय विश्व शान्ति पुजाको समापन

सुकेपोखरी : पोख्रेबुङ ग्राम पञ्चायत तीनको नागरी फार्म चियाबारी निम्न प्रान्त 25 नम्बर भस्मेद्वारा आयोजित तीन दिवसीय विश्व शान्ति पुजाको आज समापन गरियो। लामा लाक्पा दोर्जेको अगुवाईमा दार्जिलिङ तामाङ गुम्बाका लामाहरूद्वारा उक्त अनुष्ठान सम्पन्न गरियो। त्रिपिटक सूत्र पाठ, ग्रह शान्ति पुजा, विश्व शान्ति पुजा साथै हवनादि समावेश गरिएको यस अनुष्ठानमा स्थानीय तथा सङ्लग्न क्षेत्रका श्रद्धालुहरूले खुबै श्रद्धा भक्तिको साथमा पुजा अर्चना गरे। आज समापन भएको अनुष्ठानको अन्तमा पूर्णाहुतीपछि अभिषेक तथा वाङ वितरण गरियो।