नकली आधार कार्ड बनाउने गिरोहमा संलग्न 2 जना आरोपी पक्राउ

खोरीबारी, 12 नोभेम्बर (निसं): नकली आधार कार्ड बनाउने गिरोहमा संलग्न रहेको आरोपमा दुई जनालाई पक्राउ गरिएको छ। जानकारी अनुसार, गत हप्ता पुलिसले खोरीबारीको बतासीमा छापामार अभियान चलाएर सोनाई सरकारलाई पक्राउ गरेको थियो। आरोपीलाई रिमाण्डमा लिएर पुलिसले सोधखोज गरेपछि अन्य दुई व्यक्तिहरूलाई पक्राउ गरेको हो। प्रदीप राय र अजय प्रसाद रायलाई खोरीबाड़ी थाना पुलिसले जलपाईगढीबाट पक्राउ गरेको छ। आज आरोपीहरूलाई सिलगढी अदालतमा पेश गरियो।
जानकारी अनुसार यी दुवै व्यक्तिहरूले सोनाईलाई नकली आधार कार्ड बनाउन मद्दत गरेका थिए। पुलिसले पक्रा पर्नेहरूले बंगलादेशी नागरिकहरूलाई पनि परिचय पत्र बनाउने काम त गर्दै थिएनन् भन्ने विषयमा पनि जाँच गरिरहेको बताइएको छ।