नक्सलबारी-खोरीबारी क्षेत्रमा मुस्लिमहरूद्वारा ईद पालन

नक्सलबारी: खोरीबारी तथा नक्सलबारी ब्लकको विभिन्न ठाउँमा सरकारी निर्देशलाई पालन गर्दै आज मुस्लिम धर्मावलम्बीहरूले ईद पालन गऱ्यो। तथापि, मुस्लिम धर्मावलम्बीहरूको सबैभन्दा प्रमुख पर्व ईदमा आज कोभिड-19 अनि आंशिक लकडाउनको कारण हर्षोउल्लास यसपल्ट देखिएन। विशेष गरेर मास्क लगाएर मस्जिद तथा केही घरहरूको निर्धारित स्थानहरूमा सामाजिक दूरीलाई पालन गर्दै ईद मनाइएको देखियो। नक्सलबारी चिया बगान क्षेत्रका मजीबुर रहमानले बताए अनुसार कोभिड-19 लाई लिएर सरकारद्वारा जारी गरिएको निर्देशलाई पालन गर्दै आज मुस्लिम समुदायकाहरूले ईद पर्व पालन गऱ्यो। तिनीहरूले नमाज पढ्नको साथै एकार्कालाई ईदको हार्दिक शुभकामना व्यक्त गरे। रमजानको एक महिनासम्म लगातार मुस्लिम धर्मावलम्बीहरूले रोजा राखेपछि यस पवन पर्व ईद मनाइने गरिन्छ।