नक्सलबारी, 16 अगस्त (निसं): नक्सलबारी ग्रामीण अस्पतालको उचित मूल्य दवाई सेवा केन्द्र अस्थायी रूपले बन्द गरिदिएको छ। नोटिस टाँसेर उचित मूल्य दवाई सेवा केन्द्र बन्द गरेको घोषणा गरेको छ। यसले गर्दा बिमारी तथा बिरामीका परिवारहरूले असुविधाको सामना गर्न परिरहेको छ।
प्राप्त जानकारी अनुसार आज मानिसहरू दवाई किन्नका लागि दोकानमा पुगेका थिए तर नोटिस देखेपछि तिनीहरू दवाई नलिइ फर्किए। उक्त उचित मूल्य दवाई सेवा केन्द्रको उद्घाटन 2014 मा मुख्यमन्त्रीको हातबाट गरिएको थियो। उक्त केन्द्रमा दवाई 60 प्रतिशत छूटमा उपलब्ध रहेको थियो। उक्त सेवा बन्द भएपछि सबैले असुविधाको सामना गर्न परिरहेका छन्। बिमारीका परिवारहरूले चाँडै उक्त सेवालाई शुरू गरिनु पर्ने मांग गरेका छन्। अर्कोतिर, नक्सलबारी ब्लक स्वास्थ्य अधिकारी डा. कुन्तल घोषले फोन मार्फत बताए अनुसार टेन्डर समाप्त भएको कारण यो सेवा बन्द गरिदिएको हो। तिनले भने, समस्याको शीघ्र समाधान गरिने छ अनि उचित मूल्यमा दवाई सेवा केन्द्र खोलिने छ।