नक्सलबारीको अटल चियाकमानमा ‘स्वच्छता ही सेवा’ कार्यक्रममा अंश ग्रहण गरिन् मन्त्री स्मृति ईरानीले

सिलगढी : देशभरिमै आज ‘स्वच्छता ही सेवा’ कार्यक्रम पालन गरिरहेको छ। केन्द्रीय मन्त्री स्मृति ईरानीले आज नक्सलबारीको अटल चियाकमानमा ‘स्वच्छता ही सेवा’ कार्यक्रममा अंश ग्रहण गरिन्। स्मृति ईरानीले स्वच्छता कार्यक्रममा अंश ग्रहण गर्नको साथै इलाकाका चियाश्रमिकहरूसित भेट गरेर तिनीहरूको विविध समस्याहरू सुनिन्। सिलगढीको डागापुरमा सम्पन्न चियाश्रमिक समावेशमा अंश ग्रहण गर्नअघि तिनले चियाश्रमिकहरूसित भेटेर तिनीहरूको विविध समस्याहरू सुनेपछि यसको समाधान गरिदिने आश्वासन पनि दिइन्। मन्त्रीसित भेट गरेर चियाश्रमिकहरू निक्कै खुसी भए। यस अवसरमा दार्जिलिङका सांसद राजु विष्ट, भाजपा पर्यवेक्षक मङ्गल पान्डे लगायत अन्य उपस्थित थिए।