नक्सलबारीको रथखोलामा ट्र्याक्टर र बाइक ठोक्किँदा 3 जना गम्भीर घाइते

खोरीबारी, 2 अप्रेल (निसं): नक्सलबारीको रथखोलामा ट्र्याक्टर र बाइक ठोक्किँदा 3 जना घाइते भएका छन्। प्राप्त जानकारी अनुसार, खोरीबारीको बुरागञ्जबाट एउटा बाइकमा तीन जना सवार भएर नक्सलबारीतर्फ गइरहेको समय विपरीत दिशाबाट आरहेको बालूवा बोकेको ट्र्याक्टर सोझै ठोक्कियो। यस घटनामा बाइकमा सवार 3 जना गम्भीर घाइते भएका छन्। घटनापछि तुरुन्तै घाइते बाइक सवारलाई उद्धार गरेर नक्सलबारी अस्पतालमा पठाइयो। पछि, उनीहरूको अवस्था गम्भीर देखिएकाले त्यहाँबाट तिनीहरूलाई उत्तर बंगाल मेडिकल कलेज र अस्पतालमा रेफर गरिदिएको छ। घाइतेहरूको नाम सुबोध सिंघो, हरिपद सिंघो र बकुल सिंघो रहेको छ। यी तीनै जना खोरीबारीको बुरागञ्जस्थित रायोमति गाउँका निवासी हुन्। अर्कोतर्फ, सूचना प्राप्त भएपछि नक्सलबारी थाना पुलिस र ट्राफिक पुलिस घटनास्थलमा पुगेर जाँच शुरू गरेको छ। घटनापछि ट्र्याक्टर चालकले चम्पट कसेको बताइएको छ।