नक्सलबारीमा बाइक र वाहन ठोक्किँदा बाइक चालक घाइते

नक्सलबारी: बाइक र वाहन आपस्तमा ठोक्किँदा एकजना युवक घाइते भएको छ। उक्त घटना नक्सलबारीको स्कुलडाङ्गी संलग्न इलाकामा घटेको हो। घाइते युवकको नाम विशाल बर्मन (20) बताइएको छ। प्राप्त जानकारी अनुसार बिशाल बर्मन बाइकमा सवार भएर लालपुलतर्फ गइरहेको समय विपरीत दिशाबाट आइरहेको एउटा वाहनसित आपस्तमा ठोक्किँदा बाइक चालक घाइते भएको बताइएको छ। घाइते चालकलाई उद्धार गरेर नक्सलबारी अस्पतालमा प्राथमिक उपचार गरेपछि उत्तरबंग मेडिकल कलेज एवम् अस्पतालमा पठाएको छ। पुलिसले वाहन आफ्नो नियन्त्रणमा लिनको साथै घटनाको जाँच शुरू गरेको छ।