नक्सलबारीमा चट्याङले वृद्धा महिला घाइते

नक्सलबारी : नक्सलबारी अन्तर्गत पर्ने  गोपचानजोतमा चट्याङले एकजना वृद्धा घाइते भएका छन्। यस घटनामा उक्त व्यक्तिको घरको सबै सर- समान जलेर खरानी भएको बताइएको छ। घटनापछि वृद्धालाई उपचारको लागि अस्पतालमा लगियो। घटनाको खबर पाएर नक्सलबारी ग्राम पञ्चायत प्रधान अरुण घोष पीड़ितको घर गएर परिवारका सदस्यहरूसँग कुराकानी गरे। उक्त क्षेत्र निवासी देवी माया प्रधानको घरमा चट्याङ झर्दा घरको सबै सर-समान क्षतिग्रस्त भएको साथै घरका वृद्धा झरना प्रधान घाइते भएको पञ्चायत प्रधान घोषले बताए। तिनले पीड़ित परिवारलाई सहयोग गर्ने आश्वासन दिएका छन्।