नयाँ कृषि बीलबारे भाजपाद्वारा जागरूकता अभियान गरिने 

सिलगढी : सांसद लकेट च्याटर्जी र प्रदेश भाजपाका महासचिव सायन्तन बसुले आज भाजपा सिलगढी सांगठनिक कार्यालय  जयमुनि भवनमा एउटा पत्रकार सम्मेलनको आयोजना गरे। पत्रकार सम्मलेन अवधि नयाँ कृषि बीलबारे कुराकानी गर्दै लकेट च्याटर्जीले यदि उक्त कृषि बिल पारित भएपछि कृषकहरूलाई निक्कै फाइदा हुनेछ। यो बील पारित हुन अघि कृषकहरूले निश्चित तोकिएको ठाउँमा मात्र बिक्री गर्न सक्थे भने अब मोदी सरकारको उक्त नयाँ कृषि बीलको सहयोगमा कृषकहरूले आफ्नो इच्छाअनुसार कहीँ कतै पनि फसल बिक्री गर्न सक्नेछन्। केन्द्र सरकारद्वारा पारित गरिएको नयाँ कृषि बीलबारे कृषकहरूलाई जागरूक गर्नको लागि भाजपाका कार्यकर्ताहरूले अभियान शुरू गर्ने भएको छ। भाजपा कार्यकर्ताहरूले उक्त अभियान चलाएर गाउँदेखि लिएर सहरसम्मका कृषकहरूलाई जागरूक गराउने तिनीहरूले बताए।