नेपालको नयाँ भन्सार नीति घोषणा गरेपछि पानीट्याङ्कीको व्यापारमा गिरावट, सांसद राजु विष्टद्वारा निरीक्षण

खोरीबारी : नेपालमा नयाँ भन्सार नीति घोषणा गरेपछि खोरीबारी पानीट्याङ्की व्यवसायमा गिरावट आएको छ। दार्जिलिङका सांसद राजु विष्टले आज पानीट्याङ्की सिमानाको परिभ्रमण गरेरर त्यहाँका व्यापारीहरूसित भेट पनि गरे। यस अवधि सांसद विष्टले पानीट्याङ्की व्यवसायी समितिका सदस्यहरू कुराकानी गर्नको साथै तिनीहरूको विविध समस्याहरू सुने। सांसद विष्टले व्यवसायीहरूलाई आश्वासन दिँदै भने, नेपाल र भारतबीच भएको व्यापार सम्झौता अनुसार नेपाल वा भारतले अत्यावश्यक वस्तु लगायत विभिन्न वस्तुमा भन्सार लगाउन नसक्ने भए तापनि नेपालमा नयाँ भन्सार नीति घोषणा भएपछि नेपाली नागरिकहरूले समस्या भोग्नुपरेको छ। तिनले यसबारे केन्द्रीय विदेश मन्त्रीलाई अगावै पत्राचार गरिसकेका छन्। यसबारे नेपाल सरकारसित कुराकानी गर्ने तिनले आश्वासन दिए। यसको साथै सिलगढीमा 500 बेड भएको आधुनिक मेडिकल कलेज तयारी गरिने सांसद विष्टले घोषणा गरे। चाँडै भारत सरकारद्वारा यसबारे घोषणा गरिनेछ।