नेपालको नयाँ कानुनले भारतीय व्यवसायीहरू समस्यामा, सिमानाका व्यापारीहरूद्वारा विक्षोभ प्रदर्शन

पानीट्याङ्की : नेपालको नयाँ कानुनले गर्दा भारतीय व्यवसायीहरू समस्यामा परेका छन्। भारतबाट समानहरू किनेर नेपाल लैजाँदा शुल्क तिर्नु परेकोले गर्दा व्यवसायीहरूले विक्षोभ प्रदर्शन गरे। आज खोरीबारीको भारत-नेपाल सिमाना अन्तर्गत पानीट्याङ्की सडक अवरोध गरेर पानीट्याङ्की व्यवसायी समितिले विक्षोभ प्रदर्शन गर्यो। व्यवसायीहरूको माग अनुसार नयाँ कानुनले गर्दा बजारमा क्रेताहरू शून्य छ। यसले गर्दा दोकान बन्द गर्ने अवस्थामा छ। चाँडै उक्त समस्याको समाधान गरिदिने आफूहरूको माग रहेको छ। पानीट्याङ्की व्यवसायी समितिका संयुक्त सचिव दिपक चक्रवर्तीले भने, नेपालको उक्त कानुनले गर्दा आफूहरूको व्यापार डावाडोल भएको छ। सबैजनाले पहिला झैँ कुनै शुल्क नलागोस् भन्ने चाहन्छन्। सांसद तथा गृह राज्यमन्त्रीलाई यस विषयमा जानकारी गराइनेछ। लगभग 2 घण्टा सडक अवरोध गरेपछि व्यवसायीहरूले विक्षोभ प्रदर्शन हटाए। यसपछि बीडीओसित भेट गरेर एउटा ज्ञापन पत्र पनि चढायो।