नेताजी सुभाष चन्द्र बोसको जयन्तीको अवसरमा बेलाकोवामा दौड प्रतियोगिता

राजगञ्ज : नेताजी सुभाषचन्द्र बोसको जन्म दिनको उपलक्ष्यमा बेलाकोवामा दौड प्रतियोगिताको आयोजना गरियो। आज केबलपाडा बटतला मार्केट हाट व्यवसायी समितिको पहलमा राजगञ्जको शिकारपुर अञ्चल अन्तर्गत फुलातिपाडा प्राइमेरी स्कुलबाट बेलाकोवा बटतला मार्केट हाटसम्म उक्त दौड प्रतियोगिताको आयोजना गरियो। अर्कोतिर, बेलाकोवा पब्लिक क्लबको पहलमा दसदरगा मोडदेखि पब्लिक क्लब मैदानसम्म अर्को एउटा दौड प्रतियोगिताको आयोजना गरियो। उक्त दौड प्रतियोगितामा दार्जिलिङ, जलपाईगढी, मेखलीगञ्ज, हल्दीबारीका धावकहरूले अंश ग्रहण गरेका थिए। यस अवसरमा राजगञ्जका विधायक खगेश्वर राय, राजगञ्ज पञ्चायत समितिकी अध्यक्ष रूपाली दे सरकार लगायत स्थानीय पञ्चायत सदस्यहरू उपस्थित थिए।