एनजेपी स्टेशन अघि आईएनटीटीयुसी-द्वारा विक्षोभ प्रदर्शन

सिलगढी : सिलगढीको एनजेपी रेल स्टेसनको जीर्णोद्धारको नाममा केही रेल अधिकारीहरूले आफ्नो इच्छा अनुसार काम गरिरहेको आरोप लगाउँदै आईएनटीटीयुसी न्यु जलपाईगढी शाखाले एनजेपी स्टेशन अघि विक्षोभ प्रदर्शन गर्यो। प्राप्त जानकारी अनुसार आज आरपीएफ अफिसरहरूले स्टेसन नजिक रहेको अस्थायी दोकानहरू अघि ब्यारिकेट लगाएपछि व्यवसायीहरू समस्यामा परेका छन्। यसैको प्रतिवाद जनाउँदै आईएनटीटीयुसी-का नेतृत्व तथा कार्यकर्ताहरूले आज दिउँसोदेखि विक्षोभ प्रदर्शन गरे। यस विषयमा आईएनटीटीयुसी एनजेपी शाखाका अध्यक्ष सुजय सरकारले भने, रेलवे स्टेसन जीर्णोद्धारको नाममा रेलवेका केही अधिकारीहरूले आफ्नो खुसीले काम गरिरहेका छन्। हामी विकासको पक्षमा छौं तर रेलवेले पनि व्यापारीको बारेमा सोच्नुपर्छ। यसबारे व्यापारीहरूसित छलफल गरेर रेलवेले निर्णय लिनु उचित थियो।