एनजेपी स्टेशनमा भाजपा सदस्यता अभियान कार्यक्रम

सिलगढी, 7 दिसम्बर (निसं): अमृत भारत परियोजना अन्तर्गत सिलगढीको एनजेपी स्टेशनमा शनिबार भाजपा सदस्यता अभियान कार्यक्रम सञ्चालन गरियो। भाजपाले देशभरिका अमृत भारत स्टेशनहरूमा पार्टीको सदस्यता कार्यक्रम सुरु गरेको छ। यस अन्तर्गत आज भाजपाको 6 नम्बर मण्डल कमिटी र सिलगढी सांगठनिक जिल्ला युवा मोर्चाका सदस्यहरूले एनजेपी स्टेशनमा सदस्यता अभियान चलाए। यस सम्बन्धमा भाजपा जिल्ला युवा मोर्चाका अध्यक्ष अरिजीत दासले भने, भाजपाले आगामी 15 दिसम्बरसम्म भारतका सबै अमृत भारत स्टेशनहरूमा सदस्यता कार्यक्रम चलाउनेछ। त्यसै अन्तर्गत आज हामी एनजेपी स्टेशनमा यस अभियानमा सहभागी भएका हौं। मानिसहरू आफै नै उक्त अभियानसँग जोडिएर सदस्यता लिइरहेका छन्।