सिलगढी (निसं): न्यू जलपाईगढी स्टेशनलाई हाल अन्तरराष्ट्रीय स्तरको स्टेशन बनाउने दिशामा काम चलिरहेको छ। यसैले गर्दा स्टेशनबाट संलग्न इलाकामा एउटा अस्थायी पार्किङ स्थल बनाइएको छ। यसले गर्दा केही हकरहरूको काम खोसिएको छ। यसैले हकरहरूलाई पुनर्वास सहित अन्य मांगहरूलाई लिएर आईएनटीटीयूसी न्यू जलपाईगुड़ी शाखाले मंगलवार उत्तर पूर्व सिमान्त रेलवेको कटिहार डिभिजनको डीआरएम-लाई एउटा ज्ञापन सुम्पिएको छ।
आईएनटीटीयूसी न्यू जलपाईगढी शाखा अध्यक्ष सुजय सरकारको नेतृत्वमा आज एनजेपी स्टेशनबाट एउटा रैली निकालिइयो। उक्त रैली विभिन्न सडकहरूको परिक्रमा गर्दै एडीआरएम कार्यालय पुगेपछि त्यहाँ हकरहरूले विरोध प्रदर्शन गरे। यसपछि एउटा ज्ञापन सुम्पिएको छ। ज्ञापनको माध्यम अस्थायी पार्किङ स्थल नजिकमा रहेको खाली ठाउँमा हकरहरूलाई व्यवसाय गर्ने अनुमति दिने मांग गरेको छ। यस वाहेक, स्टेशनको प्रवेश द्वारमा जमिएको पानीको निकासी अनि यात्रीहरूलाई सुविधाको लागि स्टेशन नजिक सडक मरमतिको मांग गरेको छ।