पहाडका महिला फुटबल खेलाड़ीहरू पञ्जाब प्रस्थान

सिलगढी: फुटबल खेलमा महिलाहरूलाई लगातार प्रोत्साहित गर्दै आरहेको शेयर फुटबल क्लब कालेबुङ र टीडी भी फुटबल क्लबको प्रयासमा पहाड़का सातजना महिला खेलाड़ीहरूले आज पञ्जाब प्रस्थान गरिन्। यी महिला खेलाड़ीहरूले तेस्रो जेसीटी पञ्जाब स्टेट वुमन्स लीग 2020-21 सीजनमा टीएएसएम एफसीको प्रतिनिधित्व गर्नेछन्। प्रतियोगितामा टीएएसएम एफसीको पहिलो म्याच 10 मार्चमा बीबीके डीएभी एफसी विरुद्ध रहेको छ। पञ्जाब प्रस्थान गर्ने खेलाड़ीहरूमा तीनजना पन्दिमित लेप्चा, प्रेमा आचार्य र सुशाना राई शेयर एफसीका खेलाडी हुन् भने निशा गुरुङ, कुशुम तामाङ, अनिरा तामाङ र पेमा यान्छेन टीडी भी एफसीका हुन्। तिनीहरूलाई हाल सेन्ट टेरिजा स्कूलकी शिक्षिका कमलेश राईले प्रशिक्षण दिइरहेकी छन्।