पहिरो पीडितहरुको नाममा संकलित रकम धाँधली नभएको त्राण समितिको दावी

बिजनबारी: गत केही महिनादेखि प्राकृतिक आपदामा परेका बिजनबारी मझुवा ग्राम अधिनस्थ लोवर आरुबोटेका पहिरो पीडितहरु हालसम्म सरकारको ठोस कदमको प्रतीक्षामा रहेका छन भने तिनीहरु विभिन्न संघ संस्थाद्वारा प्रदान गरिएको सर-समान लगायत नगद रकमको भरमा आफ्नो बुनियाँदी समस्या पुरा गर्न बाध्य बनेका छन्। यसैबीच, एक कार्यक्रमको साथमा त्राण समितिले पीडितहरुलाई संकलित रकमहरु प्रदान गरेको छ।

स्मरण रहोस्, गत केही महिना अघि पहिरोको चपेटमा परेर आरुबोटेका 30 भन्दा अधिक परिवारहरु अस्थायी शिविर लगायत अन्य स्थानहरुमा बस्दै आइरहेका छन्। ती स्थानमा विभिन्न संघ-संस्थाहरुद्वारा सहयोग गरिएको रकममा राम्रोसँग पीडितमा नपुगेको गुनासो आएको थियो भने उक्त कुरा निराधर रहेको समेत त्राण समिति सभापति दिलन सुब्बाले बताए।