पानीट्याङ्कीमा युवकको अस्वाभाविक मृत्यु

खोरीबारी : खोरीबारी खण्ड अन्तर्गत पर्ने पानीट्याङ्कीमा एकजना युवकको अस्वाभाविक मृत्यु भएको घटना प्रकाशमा आएको छ। मृतक युवक पानीट्याङ्कीको गौरसिंह जोत निवासी कार्तिक बर्मन (26)-को रूपमा चिन्हित गरिएको छ। प्राप्त जानकारी अनुसार गत राति खोरीबारी खण्ड अन्तर्गत पर्ने हारी बस्तीमा स्थानीय मानिसहरूले उक्त युवकलाई सड़क किनारमा लडिरहेको देखेपछि तत्कालै उद्धार गरेर नक्सलबारी ग्रामीण अस्पतालमा लगे तापनि त्यहाँका चिकित्सकहरूले तिनलाई मृत घोषित गरिदिए। घटनाको जानकारी पाएर पुलिस घटनास्थलमा पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालमा पठाउनको साथै घटनाको जाँच शुरू गरेको छ।