फाँसीदेवा महिला तृणमूल कङ्ग्रेसद्वारा मुख्यमन्त्रीको जन्मदिन पालन

फाँसीदेवा : तृणमूल कार्यकर्ता तथा समर्थकहरूले विभिन्न कार्यक्रमको माध्यमद्वारा राज्यभरिमै मुख्मन्त्री ममता ब्यानर्जीको जन्मदिन मनाइरहेको छ। यसै क्रममा फाँसीदेवा महिला तृणमूल कङ्ग्रेसको पहलमा आज मुख्यमन्त्रीको जन्मदिन पालन गरियो। विधाननगरमा तृणमूल कार्यकर्ता तथा समर्थकहरूले आज मुख्यमन्त्रीको तस्विर अघि केक काटेर जन्मदिन पालन गरे। यस अवसरमा राज्यको कानुन एवम् स्वास्थ्य विभागका राज्य मन्त्री चन्द्रिमा भट्टाचार्य, जिल्ला अध्यक्ष पापिया घोष, फाँसीदेवा ब्लक 2 अध्यक्ष काजल घोष, शीतल पाल, मिस्टु सरकार लगायत अन्य उपस्थित थिए। यस विषयमा चन्द्रिमा भट्टाचार्यले भनिन्, मुख्यमन्त्री ममता ब्यानर्जीको जन्मदिनलाई लिएर तृणमूल कार्यकर्ताहरू निक्कै उत्साहित छन्। दिदीलाई सम्मान जनाउनको साथै वर्षको 365 दिन नै दिदी स्वस्थ रहुन् भन्ने आफूहरूले कामना तथा प्रार्थना गरेको तिनले बताइन्।