पोखरीबाट युवकको शव उद्धार

मालदा : मालदा इङ्ग्लिश बजारको झलझलिया इलाकास्थित एउटा पोखरीबाट एकजना युवकको शव उद्धार भएको छ। मृतक युवक 21 वर्षीय दीपक रवि दासको रूपमा चिन्हित गरिएको छ। मृतक पारिवारका सदस्यहरूले दिएको जानकारीअनुसार दीपक गत आइतबारदेखि निखोज भएका थिए। आज बिहान स्थानीय मानिसहरूले दीपकको शव रेलवे लाइनस्थित एउटा पोखरीमा देखेपछि घटनाबारे पुलिसलाई खबर दिए। घटनाको खबर पाएर पुलिस घटनास्थलमा पुगेर शव उद्धार गरेर पोस्टमार्टमको लागि पठाएको छ भने घटनाको जाँच शुरू गरेको पुलिस सूत्रले जनाएको छ।