पीपीई किट लगाएर माक्स लगाउनेबारे महिलाहरूले गरे जागरूक

सिलगढी : बढ्दो कोरोना संक्रमणलाई ध्यानमा राखेर सहरवासीलाई कोरोनाबारे जागरूक गराउँदै केही महिला टोटो चालकहरू पीपीई किट लगाएर सडकमा ओर्लिएकी छन्। गत केही दिनदेखि सिलगढी सहरमा कोरोनाको संक्रमणको संख्या बढ्दै गइरहे  तापनि यसलाई लिएर मानिसहरू सतर्कता अप्नाएको छैन। धेरैजना मानिसहरू माक्स नलगाई मानिसहरू सिलगढी सहरको सडकहरूमा हिँड्डुल गरेको देखियो। यसैले सहरवासीहरूलाई कोरोना भाइरसको संक्रमणबारे सचेत गराउन केही महिला टोटो चालकहरूले पीपीई किट लगाएर सडकमा ओर्लिएर सडकमा हिँड्डुल गर्ने मानिसहरूलाई माक्स लगाउने अपील गरे। तिनीहरूको अपील सुनेर केही मानिसहरूले माक्स लगाएको देखियो। यसको साथै भोलि सिलगढीमा विधानसभा चुनाउ रहेकोले सहरवासीहरूलाई माक्स लगाएर मतदान गर्न जाने अपील गरेकी छन्। सबै मतदाताहरूले बुथहरूमा सामाजिक दूरी कायम राखेर सेनिटाइजरको प्रयोग गर्ने तिनीहरूले अपील गरेकी छन्।