प्रतिबन्धित कफ सिरपसहित दुई आरोपी पक्राउ, जीप जफत

सिलगढी, 4 दिसम्बर: सिलगढी मेट्रोपोलिटन पुलिसको भक्तिनगर थाना पुलिसले सादा पोशाकमा गोप्य सूचना अनुसार अभियान चलाएर प्रतिबन्धित कफ सिरप सहित दुई जनालाई पक्राउ गरेको छ। यसको साथै एउटा जीप पनि जफत गरिएको छ। पक्रा पर्नेहरूको नाम रोशन शंकर र राहुल सिंह रहेको छ। रोशन शंकर रम्बी बजार निवासी हुन् भने राहुल सिंह कमला नगर सालुगढा निवासी हुन्।
पुलिस सूत्रले दिएको जानकारी अनुसार, मंगलवार राती गोप्य सूचना पाएर 42 नम्बर वार्डको चयनपाडा क्षेत्रमा दुवै युवालाई रोकेर तिनका सामानको जाँच गरिएको थियो। यसै क्रममा एउटा झोलामा राखेको 60 वटा प्रतिबन्धित कफ सिरप उनीहरूको बाट उद्धार गऱ्यो। त्यसपछि दुवैलाई पक्राउ गरेपछि आज जलपाईगढी जिल्ला अदालतमा पेश गरिएको छ। पुलिसले यस घटनाको अनुसन्धान गरिरहेको छ।