पुल बिजनबारी गोक समष्टिको गर्भेटारबाट 31 परिवार गोजमुमो विनय खेमामा सामेल

बिजनबारी: पुल बिजनबारी गोक समष्टि अन्तर्गत गर्भेटार बस्तीबाट 31 परिवारले नयाँ सोंच नयाँ बिचारलाई आत्मसात गर्दै गोजमुमो विनय खेमामा सामेल भएका छन। समष्टि सभापति एसएम राईको प्रमुख उपस्थितिमा आयोजना गरिएको समर्थन कार्यक्रममा बिनय तामाङ अनि अनित थापाको नयाँ सोंच नयाँ विचारलाई हेरेर तथा तिनीहरूको नेतृत्वमा भइरहेको बिकासमुखी कार्यहरूलाई देखेर पार्टीलाई अझ बलियो बनाउनको लागि गोजमुमो बिनय खेमामा सामेल भएको सामेल हुनेहरूले बताए। गोजमुमो बिमल खेमाको 30 घर अनि टीएमसीबाट एउटा घर सामेल हुनेहरूलाई पार्टीमा स्वागत जनाउँदै समष्टि सभापति एसएम राईले आफुहरु भावनामा होइन तर यथार्थमा राजनीति गर्ने भएकोले नै पहाडमा आफुहरुको जनाधार रहेको बताए। विनय तामाङ तथा अनित थापाकै दुरदर्शिताकै कारण पहाडको 2017 सालको दिशाहिन आन्दोलन साम्य भएको दावी गर्दै तिनीहरूको सोंचको कदर हुनेपर्ने तिनले बताए।