राजवंशी भाषामा रामायण अनुवाद गर्ने सिलगढीका नागेन्द्रनाथ राय पद्मश्री पुरस्कारले सम्मानित गरिने

सिलगढी, 27 जनवरी (निसं): सिलगढीका नागेन्द्रनाथ रायले राजवंशी भाषामा रामायण अनुवाद गरेका छन्। त्यसैले उनलाई पद्मश्री पुरस्कारले सम्मानित गरिने भएको छ। यसले गर्दा खुशीको माहोल देखा परेको छ। नागेन्द्रनाथ राय पत्थरघटा भुवनजोत प्राथमिक स्कूलका सेवानिवृत्त शिक्षक हुन्। उनी सिलगढीको शिव मन्दिर चैतन्यपुर क्षेत्रमा बसोवास गर्छन्। रामायणलाई राजवंशी भाषामा अनुवाद गरेकोमा उनलाई पद्मश्री पुरस्कारले सम्मानित गरिने भएको छ। यद्यपि, सात खण्डमा रामायण अझसम्म प्रकाशित भएको छैन। उनले पहिलो बैशाखमा राजवंशी भाषामा रामायण प्रकाशित गर्ने योजना बनाएका थिए तर, त्यस अघि नै उनलाई पद्मश्री पुरस्कार प्राप्त हुने भएको छ। यसको अतिरिक्त, उनले 2011 मा शिक्षारत्न पुरस्कार पनि प्राप्त गरिसकेका छन्। मतिगढा नक्सलबारीका विधायक आनन्दमय वर्मनले नागेन्द्रनाथ रायलाई फोन गरेर यसबारे जानकारी दिएका थिए। विधायक आनन्दमय वर्मनले भने, उनलाई पद्मश्री पुरस्कार प्राप्त हुने भएको छ। यो सुनेर नागेन्द्रनाथ राय अचम्मित भए। त्यसपछि विधायक नागेन्द्रनाथ रायको घरमा पुगेर उनलाई बधाई दिए। त्यसपछि प्रधानमन्त्री कार्यालयबाट पनि फोन गरेर उनलाई बधाई दिइयो। नागेन्द्रनाथ रायलाई पद्मश्री पुरस्कार प्राप्त हुने खबर फैलिन साथ मानिसहरू तिनका घरमा पुगेर उनलाई बधाई दिइरहेका छन्।