राजगञ्ज ब्लक महिला तृणमूल कङ्ग्रेस-द्वारा सांगठनिक सभाको आयोजना

राजगञ्ज (निसं): आगामी लोकसभा चुनाउलाई ध्यानमा राखेर तृणमूल महिला कङ्ग्रेसले विभिन्न कार्यक्रम शुरू गरेको छ। राजगञ्ज ब्लक महिला तृणमूल कङ्ग्रेसको तर्फबाट आज राजगञ्ज ब्लकको बेलाकोवास्थित देवी चौधुरानी सभाकक्षामा एउटा सांगठनकि सभाको आयोजना गरियो। राज्य तृणमूल महिला कङ्ग्रेसले 2024 -को लोकसभा चुनाउलाई ध्यानमा राखेर केही कार्यक्रमहरूको घोषणा गरिरहेको छ। यस कार्यक्रमको माध्यमद्वारा तृणमूल महिला कङ्ग्रेसले राज्यभरिमै हजारौँ इलाकामा बैठकको आयोजना गर्ने भएको छ। महिला तृणमूल कङ्ग्रेसले प्रत्येक अञ्चलमा 3 वटा बैठक गर्नेछ। यो कार्यक्रम राज्यभरिमै आगामी 22 दिसम्बरदेखि 6 फरवरीसम्म चल्नेछ। यस सम्बन्धमा राजगञ्ज ब्लक तृणमूल कङ्ग्रेसका अध्यक्ष अरिन्दम ब्यानर्जीले भने, बेलाकोवाको देवी चौधुरानी सभाकक्षमा आज महिला तृणमूल कङ्ग्रेसको तर्फबाट एउटा सांगठनिक सभाको आयोजना गरियो। उक्त सभामा लोकसभा चुनालाई ध्यानमा राखेर महिला तृणमूल कङ्ग्रेसद्वारा आयोजना गरिने 45 दिवसीय कार्यक्रमबारे चर्चा परिचर्चा गरियो।