राजगञ्जको प्राथमिक स्वास्थ्य केन्द्र परिसरमा राखेर अवैध काठको व्यापार

राजगञ्ज : राजगञ्जको कालिन नगर प्राथमिक स्वास्थ्य केन्द्र परिसरमा अवैध काठ राखेर केही व्यापारीहरूले निर्धक्क रूपमा यसको व्यवसाय चलाइरहेको छ। राजगञ्ज बजार नजिक रहेको कालिन नगर स्वास्थ्य केन्द्रमा धेरै दिनदेखि अवैध काठ राख्नको साथै यसको व्यवसाय गरिरहेकोले प्रशासनको भूमिकालाई लिएर प्रश्न चिन्ह खडा भएको छ। यसको नजिकैमा राजगञ्ज थाना रहेको छ। पहिला उक्त स्वास्थ्य केन्द्रमा सिमाना लगाइएको थिएन भने गत 1 वर्षअघि देवाल लगाइएको छ। धेरै वर्ष अघिदेखि नै केही मानिसहरूले उक्त स्वास्थ्य केन्द्रको जमिनमा काठको लट्ठा राख्ने गरेको बताइएको छ। स्थानीय पञ्चायत सदस्य सुशान्त रायले बताएअनुसार एक वर्ष अघि उक्त स्वास्थ्य केन्द्रमा बाउन्डरी वाल लगाएपछि त्यहाँ काठको लट्ठा राख्न मनाही गरेको थियो। यसपछि केही समयसम्म त्यहाँ काठको लट्ठा राख्न बन्द गरे तापनि हाल पुनः शुरू गरेको छ। राजगञ्ज ब्लक स्वास्थ्य अधिकारी डाक्टर शुभदीप सरकारले बताएअनुसार अभियान चलाएर अस्पताल परिसरमा काठको लट्ठाका व्यवसायीहरूलाई यहाँबाट हटाइए तापनि केही मानिसहरूले यसको पालन नगरेकोले फेरि एकपल्ट अभियान चलाइने तिनले बताए।