राजगञ्जको टाकीमारीमा शान्तिपूर्ण ढङ्गमा मतदान जारी

राजगञ्ज (निसं): राजगञ्जको मन्तादारी ग्राम पञ्चायत अन्तर्गत टाकीमारी इलाकामा आज बिहानैदेखि शान्तिपूर्ण ढङ्गमा मतदान जारी छ। हिजो टाकीमारी इलाकामा तृणमूल कङ्ग्रेसको पार्टी कार्यालयमा आगो लगाइदिएको घटनालाई केन्द्र गरेर मिलनपल्ली आउटपोस्टमा लगातार विरोध प्रदर्शन गरियो। तथापि, आज इलाकामा शान्तिपूर्ण ढङ्गमा मतदान सम्पन्न भइरहेको छ। आज बिहानैदेखि स्थानीय मानिसहरू आ-आफ्नो मतदान केन्द्रमा गएर मतदान गरिरहेका छन्। मतदान गर्न आएका केही मानिसहरूको भनाइ अनुसार मतदान गर्नमा धेरै समय लागिरहेको छ। हालसम्म उक्त क्षेत्रबाट कुनै प्रकारको अशान्तिको खबर प्राप्त भएको छैन। मतदान केन्द्रमा केन्द्रीय बल तैनाथ गरिएको छ।