राजगञ्जमा भाजपा-को बीडीओ अफिस घेराउ कार्यक्रम

राजगञ्ज : गत पञ्चायत चुनाउ अवधि राज्यभरिमै हिंसा, अशान्ति, हत्या जस्ता घटनाको आरोप लगाउँदै आज भाजपाद्वारा राज्यभरिमै बीडीओ अफिस घेराउ कार्यक्रम पालन गरिरहेको छ। यसै क्रममा आज भाजपाले राजगञ्ज बीडीओ कार्यालय घेराउ गरेर विक्षोभ प्रदर्शन गर्यो। भाजपाले घेराउ कार्यक्रम पालन गर्न अगावै बीडीओ कार्यालयदेखि 100 मिटरसम्म 144 धारा लागू गरियो। प्रशासनद्वारा लागू 144 धारालाई उपेक्षा गरेर भाजपा कार्यकर्ता तथा समर्थकहरूले एउटा र्‍यालीको माध्यमद्वारा बीडीओ कार्यालयतर्फ गइरहेको समय पुलिसले ब्यारिकेड लगाएर उक्त र्‍यालीलाई रोकिदियो। यस अवधि पुलिस र भाजपा कार्यकर्ता तथा समर्थकहरूमाझ हातापाई शुरू भयो। पछि भाजपाका कार्यकर्ता तथा समर्थकहरूले ब्यारिकेड भत्काएर बीडीओ कार्यालयतर्फ बढे तापनि पुलिसले बीडीओ कार्यालयको मुख्य गेटमा प्रदर्शनकारीहरूलाई रोकिदियो। यसपछि भाजपाका एउटा प्रतिनिधि टोलीले राजगञ्जका बीडीओसित भेट गरेर एउटा ज्ञापन पत्र चढायो। यस अवसरमा सिलगढीका विधायक शङअकर घोष, भाजपाको राजगञ्ज ब्लक सभापति निताई मण्डल, जिल्ला नेतृत्व नकुल दास, दिलीप चौधुरी मुख्य रूपमा उपस्थित थिए।