राज्यको द्वारे सरकार अभियान मार्फत मानिसहरूले विविध सुविधा पाएको छ: एलबी राई

मिरिक: पश्चिम बङ्गाल राज्य सरकारले राज्यवासीको निम्ति उपलब्ध गरेको योजनाहरूलाई जनमानसमा पुऱ्याउन गरिएको द्वारे सरकार अभियान कति सफल बन्यो अनि द्वारे सरकार अभियानमा राज्यवासीले के कति लाभ प्राप्त गरे त्यसमाथि बिहिबार हिल तृणमूल कङ्ग्रेसले पत्रकार सम्मेलन डाकेर विस्तृत जानकारी गराए । हिल तृणमूल कङ्ग्रेस अध्यक्ष एलबी राईले विस्तृत जानकारी दिँदै द्वारे सरकार कार्यक्रम देशको मात्र होइन संसार कै ठूलो कार्यक्रम रहेको बताए। तिनले भने, यस योजनाहरू साधारण जनतामा केवल 70 दिनको अवधिमा सुविधा पुग्ने गर्छ। पञ्चायत र नगरपालिका क्षेत्रका मानिसहरूको अभाव र समस्या बुझ्ने र समाधान गर्ने कार्य गरेको छ । तिनले द्वारे सरकारको माध्यम सरकारले स्वस्थ्य, शिक्षा, कृषि, महिला सशक्तिकरण , सामाजिक पेन्सन, ग्रामीण रोजगार लगायत 12 वटा निम्न वर्गीय योजनाहरू कार्यन्वयन गरेको बताउँदै द्वारे सरकार कार्यक्रमको दुई महिनाभित्रमा राज्यभरिमा 32 हजार 830 शिविर आयोजन गरेको बताए । अध्यक्ष एलबी राईले द्वारे सरकारको उपलब्धीमाथि प्रकाश पार्दै 32 हजार 830 शिविरमा दुई लाख पच्चाहत्तर करोड आम नागरिकले लाभ प्राप्त गरेको बताए। यसको अतिरिक्त तिनले राज्य सरकारले उपलब्ध गरेका अन्य साहुलियत तथा सुविधाहरू माथि पनि प्रकाश पारे।