रङ्गारङ्ग शोभायात्राको साथमा 17 नम्बर वार्डको वार्ड उत्सव ‘उन्मेष’ शुरू

सिलगढी : रङ्गारङ्ग शोभायात्राको साथमा सिलगढीको 17 नम्बर वार्डको वार्ड उत्सव ‘उन्मेष’ शुरू भएको छ। आज झण्डा उत्तोलन गर्नको साथै बेलुन तथा परेवा उडाएर वार्ड उत्सव शुरू गरिएको छ। उक्त वार्ड उत्सव आगामी 21 जनवरीसम्म चल्नेछ। सिलगढी कलेजबाट आज एउटा रङ्गारङ्ग शोभायात्रा पनि निकालिइयो। उक्त शोभायात्रामा कोलकाताको हातले तान्ने रिक्सा सामेल थियो। यस अवसरमा सिलगढी नगरनिगमका चेयरम्यान प्रतुल चक्रवर्ती, मेयर गौतम देव, डेपुटी मेयर रञ्जन सरकार, मेयर परिषद्, बोरो चेयरम्यान लगायत विभिन्न वार्डका काउन्सिलरहरू उपस्थित थिए।