रेडब्याङ्क चियाबारीमा भाजपाको सभा सम्पन्न

बानरहाट : बानरहाट थाना अन्तर्गत पर्ने रेडब्याङ्क चियाबारीमा भाजपा महिला मोर्चा धुपगढी उत्तर मण्डल समितिको आयोजनामा सभा सम्पन्न भयो। सभामा  बेली विश्वकर्मा मण्डल सभापति, गोमा राई शर्मा, जानकी बराइक, सुष्मा मुण्डा, सुरेश थापा, महादेव उराँव, अमित साबर, सोभित शर्मा, बिनोद गुरुङ आदिको उपस्थिति रहेको थियो। सभालाई बिनोद गुरुङले सञ्चालन गरेका थिए भने उत्तर मण्डल सचिव महादेव उराँव,महिला मोर्चा सभापति बेली विश्वकर्माले वक्तव्य राखेका थिए। बन्द चियाबारीहरुको विविध समस्याहरुबारे सांसद अनि विधायकलाई जनाइएको अनि भाजपा राज्यको सरकारमा आए ती सबै समस्याहरु बिस्तारै समाधान हुने पनि तिनीहरुले जनाए। यसरी नै रेडब्याङ्क चियाबारीमा तीन महिनादेखि फौलाई बन्द भएको छ भने सयदिने काम पनि नपाएको कारण यहाँका मानिहरुको आर्थिक अवस्था दिनप्रतिदिन बिग्रँदै गइरहेको छ तर तृणमूलका नेताहरु चुप छन। भाजपाले यस विषयमा चाँडै सम्बन्धित विभागका अधिकारीहरुलाई भेटेर यसको समाधान गरिने कार्य गर्ने बताए। भाजपा राज्यमा आएको खण्डमा बन्द चियाबारीहरु खोलाउने कार्यहरु गर्ने साथै न्युनतम् मजदुरी पनि लागू हुने आशा रहेको तिनीहरुले बताए।