सिलगढी (निसं): उत्तरबंग विश्वविद्यालयको छात्रा बबिता दत्तको मृत्युको घटनालाई लिएर उत्तरबंग विश्वविद्यालयको माहौल गर्मिएको छ। उत्तरबंग विश्वविद्यालयको प्रशासनिक भवन अघि आज एबीभीपी-का कार्यकर्ताहरूले टायर जलाएर विरोध प्रदर्शन गरे। यस अवधि एबीभीपीका सदस्यहरूले प्रो. सिद्धार्थ शंकर लाहारलाई पक्राउ गरिनु पर्ने माग गरे। सोमवार एबीभीपी-का सदस्यहरूले उत्तरबंग विश्वविद्यालयको ल मोडमा हस्ताक्षर संकलन गरेपछि प्रशासनिक भवन अघि टायर जलाएर विरोध प्रदर्शन गरे। यस अवधि मृतकका भाई हरे कृष्ण दत्तले आरोपीलाई कठोर सजाय दिने माग गरेका छन्। यस सम्बन्धमा एबीभीपी-का राज्य सचिव दीप्त दे-ले भने, बबिता दत्तले आत्महत्या गरेको होइन तर तिनको हत्या गरेर फाँसीमा झुन्डाएको हो। बबिताको घरबाट एउटा सुसाइड नोट पनि उद्धार भएको थियो, जसमा सिद्धार्थ शंकर लाहारको नाम स्पष्ट रूपमा उल्लेख गरेको छ। यसलाई लिएर बबिताको भाईले मतिगढा थानामा एकजना विरूद्ध अभियोग दर्ता गरेको छ।
अर्कोतिर, यस घटनाको बारेमा उत्तरबंग विश्वविद्यालयका कार्यवाहक रजिस्ट्रार देवाशीष दत्तले भने, यो धेरै दुखद घटना हो। छात्रा, शिक्षक अथवा शोधार्थी अनि प्रोफेसर बीचको सम्बन्ध धेरै सम्मानजनक हुन्छ। यस प्रकारको घटना एकदमै नराम्रो हो। घटनामा सिद्धार्थ शंकर लाहालाई आफ्नो सबै पदहरूबाट स्वेच्छाले राजीनामा दिनेबारे सूचना दिएको छ।