रुखमा झुन्डिएको अवस्थामा एकजना व्यक्तिको शव उद्धार

राजगञ्ज, 8 अप्रेल (निसं): रुखमा झुन्डिएको अवस्थामा एकजना व्यक्तिको शव भेटिएको छ। यस घटनाले क्षेत्रभरि सनसनी मच्चिएको छ। यो घटना आज बिहान राजगञ्ज ब्लकको सन्यासीकाटा ग्राम पञ्चायत अन्तर्गत भुन्दारुगछ गाउँमा घटेको हो। मृतकको नाम सयफर अली (45) हो। परिवारिक सूत्र अनुसार सयफर पेशाले चामल व्यापारी थिए। उनी हिजो बिहान कामको लागि घरबाट निस्केका थिए। उनी अबेर रातिसम्म घर नफर्किएपछि परिवारका सदस्यहरूले विभिन्न स्थानहरूमा खोजी गरे, तर उनको केही थाहा लागेन। आज बिहान उनको शव घर नजिकैको रुखमा झुन्डिएको अवस्थामा भेटियो। के कारणले यस्तो घटना भयो भन्ने परिवारका सदस्यहरूलाई बुझ्न सकिरहेका छैनन्।
अर्कोतर्फ, घटनाको खबर पाएपछि राजगञ्ज पुलिस घटनास्थलमा पुगेर शवलाई नियन्त्रणमा लिएर पोस्टमार्टमको लागि अस्पतालमा पठाइदिएको छ। पुलिसले सम्पूर्ण घटनाको जाँच शुरु गरेको छ।