साहूडांगीमा रेलको चपेटमा परेर अज्ञात व्यक्तिको मृत्यु

राजगञ्ज, 18 सेप्टेम्बर (निसं): रेलको चपेटमा परेर एकजना व्यक्तिको मृत्यु भएको छ। यो घटना आज दिउँसो साहूडांगीको शिवनाथपाड़ा क्षेत्रमा भएको हो। हालसम्म मृतकको पहिचान हुन सकेको छैन।
स्थानीय स्रोत अनुसार, आज स्थानीय मानिसहरूले रेलवे लाइनमा उक्त व्यक्तिको क्षत-विक्षत शव देखे। त्यसपछि घटनाको जानकारी रेलवे पुलिसलाई दिएको थियो। खबर पाएपछि रेलवे पुलिस घटनास्थलमा पुगेर शवलाई उद्धार गरेपछि पोस्टमार्टमका लागि पठाइदिएको छ। पुलिसले सम्पूर्ण घटनाको जाँच सुरु गरेको छ।