समाज सेवी सुवास तामाङले समाए हाम्रो पार्टीको झण्डा

कैजले (निसं) : समाज सेवी सुवास योञ्जन तामाङले समाए हाम्रो पार्टीको झण्डा। हाम्रो पार्टीको संस्थापक अध्यक्ष अजय एडवाडर्सले आज कैजले क्षेत्रको भ्रमण गरे। यस अवधि अध्यक्ष एडवाडर्ससँग हाम्रो पार्टी दार्जीलिङ महकुमा समिति अध्यक्ष पूरण तामाङ, हाम्रो पार्टीका वरिष्ठ कार्यकर्ता एवं सभासद प्रतीम सुब्बा आदि पनि उपस्थित थिए। यस अवधि कैजले क्षेत्रको वरिष्ठ समाज सेवी सुवास योञ्जन तामाङले हाम्रो पार्टीले मात्र गोर्खा जाति र दार्जिलिङ पहाड तराई डुवर्स आदि क्षेत्रको उत्थान र संरक्षण गर्न सक्छ भन्ने आस्था र भरोसा राख्दै हाम्रो पार्टीमा सामेल भए। पार्टीको अध्यक्ष अजय एडवाडर्सले समाज सेवी सुवास योञ्जन तामाङलाई खदा लगाइदिएर पार्टीमा स्वागत जनाए साथै पार्टीको झण्डा सुम्पिए। दार्जिलिङ पार्वतीय क्षेत्र लगायत तराई डुवर्स आदि क्षेत्रहरूमा हाम्रो पार्टीमाथि आस्था र भरोसा राख्दै पार्टीमा सामेल हुनेहरूको अहिले संख्या बढ्दै गइरहेको छ।