शिव शक्ति संगठनको तर्फबाट तीन दिवसीय श्री शिव पुराण कथा एवम् महारूद्राभिषेक कार्यक्रमको आयोजना

सिलगढी : साउन महिनाको पावन अवसरमा शिव शक्ति संगठनको तर्फबाट तीन दिवसीय श्री शिव पुराण कथा एवम् महारूद्राभिषेक कार्यक्रमको आयोजना गर्यो। सिलगढीको सेभोक रोडस्थित उत्तरबंग मारवाडी भवनमा आज महारूद्राभिषेकको साथमा श्री शिव पुराण कथाको शुभारम्भ गरिएको छ। आज दिउँसो भगवान शंकरको 12 ज्योतिर्लिङको पुजा अर्चना तथा महारूद्राभिषेक गरियो। अर्कोतिर, आज साँझ वृन्दावनबाट आएका महाराज रसिक रिवाजजीले कथा वाचन गर्नेछन्। शिव शक्ति संगठनको तर्फबाट सबै शहरवासीलाई उक्त कार्यक्रममा सामेल हुनको लागि आमन्त्रित गरिएको छ।