सिलगढीबाट चल्नेछ भारत गौरव टुरिस्ट ट्रेन, उत्तर भारत अनि रामललाको दर्शन गराउने

सिलगढी (निसं): यदि तपाईंहरू पनि मन्दिरहरू दर्शन गर्न चाहनु हुन्छ भने अब आईआरसीटीसी-ले खुशीको खबर ल्याएको छ। अर्थात, स्पेशल टुरिस्ट ट्रेन शुरू गरिने भएको छ। आज सिलगढी जर्नलिस्ट्स क्लबमा एक पत्रकार सम्मेलन गरेर आईआरसीटीसी-का अधिकारीहरूले यसबारे जानकारी दिएका छन्। तिनीहरूले बताए अनुसार भारत गौरव स्पेशल टुरिस्ट ट्रेन आगामी 18 मईको दिन न्यू जलपाईगढी स्टेशनबाट शुरू हुनेछ। यो ट्रेन मालदा टाउन, रामपुरहाट, दुमका, भागलपुर, जमालपुर, क्यूल लगायत पटनाका यात्रीहरूलाई उत्तर भारत अनि रामललाको दर्शन गराउने छ। यसको लागि 8 रात अनि 9 दिनको प्याकेजको व्यवस्था गरिएको छ। यस यात्रामा दर्शनार्थीहरूले वैष्णोदेवी, हरिद्वार, ऋषिकेश, मथुरा, वृन्दावन, अयोध्या मन्दिरहरूको दर्शन गर्न सक्नेछन्। यस अवधि तीन समयको भोजन अनि यात्रा अवधि बिमार हुने कुनै पनि व्यक्तिको लागि चिकित्सा साथै सुरक्षा व्यवस्था गरिनेछ। आईआरसीटीसी0को तर्फबाट विश्वरञ्जन साहाले बताए अनुसार ट्रेनमा स्लीपर क्लास छ अनि 800 यात्रीहरू लैजान सक्ने क्षमता रहेको छ। ट्रेन टूर गाइड, सुरक्षा साथै पेरामेडिक्सले सुसज्जित रहनेछ।