सिलगढीको 33 नम्बर वार्डमा मेगा स्वास्थ्य जाँच शिविरको आयोजना

सिलगढी : सिलगढीको 33 नम्बर वार्डमा गत 2 जनवरीदेखि वार्ड उत्सव उन्मिलन शुरू भएको छ। यसै वार्ड उत्सवको अंशको रूपमा आज युथ क्लबमा मेगा स्वास्थ्य जाँच शिविरको आयोजना गरियो। यस अवसरमा सहरका नामीदामी चिकित्सकहरू उपस्थित थिए। यसबाहेक वार्ड काउन्सिलर तथा सिलगढीका मेयर गौतम देव पनि उपस्थित थिए। उक्त शिविरमा मानिसहरूले स्वास्थ्य जाँच गराउनको साथै निःशुल्क औषधि पनि वितरण गरियो। यस अवसरमा मेयर देवले भने, स्वास्थ्य शिविरको माध्यमद्वारा मानिसहरूले उचित उपचार पाउन सकोस् भनेर आज स्वास्थ्य जाँच शिविरको आयोजना गरिएको छ। आवश्यक परेमा शिविरमा आउने रोगीहरूले भविष्यमा पनि यी सबै चिकित्सकबाट उपचारको सुविधा पाउनेछन्।