सिलगढीको कलेजपाडास्थित एउटा फ्ल्याटमा आगलागी

सिलगढी : सिलगढीको 17 नम्बर वार्डको कलेजपाडास्थित एउटा फ्ल्याटमा आगलागी हुँदा धेरैवटा सर-समानहरू जलेर खरानी भएको छ। प्राप्त जानकारी अनुसार गत राति स्थानीय मानिसहरूले 4 तल्लाको फ्ल्याटमा आगो लागेको देखे। त्यस समय उक्त फ्ल्याटमा कोही थिएन। यसपछि आगलागीबारे दमकल विभाग तथा उक्त फ्ल्याटको मालिकलाई खबर दिएपछि तत्कालै फ्ल्याट मालिक घटनास्थलमा आइपुगे। घटनाको खबर पाएर दमकलको एउटा इञ्जिन र सिलगढी थाना पुलिस घटनास्थलमा पुगेर धेरै समयको प्रयासपछि आगोलाई नियन्त्रणमा ल्याएको बताइएको छ। के कारणले गर्दा उक्त आगलागी भएको हो भन्ने विषयमा थाहा लागेको छैन। मन्दिर कोठामा जलाएको दियो तथा धुपकाटीले गर्दा उक्त आगलागी भएको हुनसक्ने दमकल विभागले प्राथमिक अनुमान लगाएको छ।