सिलगढीको हैदरपाडामा एउटा घरमा आगलागी, सामानहरू जलेर भष्म

सिलगढी, 8 जनवरी (निसं): हैदरपाड़ाको पारसमणि रोडस्थित एउटा दुई तल्ले घरको माथिल्लो तल्लामा आज दिउँसो आगलागी हुँदा इलाकामा हो-हल्ला मचियो। प्राप्त जानकारी अनुसार, घरको माथिल्लो तल्लामा एकजना महिला आफ्नो छोरासँग बस्दै आइरहेकी थिइन्। महिला आफ्नो छोरालाई घरमा नै छोडेर काममा गएकी थिइन्। त्यही समय घरमा आगो लाग्यो। यसैबीच, घरबाट धुवाँ निस्किरहेको देखेपछि स्थानीय व्यक्तिहरू घटनास्थलमा पुगेर किशोरलाई घर भित्रबाट बाहिर निकाल्यो। यसपछि घटनाको जानकारी दमकल विभागलाई दिइयो। खबर पाएपछि दमकलका दुई वटा गाडी घटनास्थलमा पुगेर आगो नियन्त्रणमा ल्यायो। यद्यपि, आगोमा दोस्रो तल्लामा राखिएका सबै सर-सामानहरू जलेर खरानी भएको छ। यसैबीच, आगलागीको घटनाले इलाकामा सनसनी फैलिनको साथै छेउछाउका मानिसहरू पनि आतङ्कित भए।