सिलगढीको मुन्शी प्रेमचन्द कलेजमा कोरोना टीकाकरण शिविरको आयोजना

सिलगढी : सिलगढी नगरनिगमको पहलमा स्वास्थ्य विभागको सहयोगमा सिलगढीको सबै कलेजहरूमा कोरोना टीकाकरण शिविरको आयोजना गरिरहेको छ। यसै क्रममा आज मुन्शी प्रेमचन्द कलेजमा कोरोना टीकाकरण शिविरको आयोजना गरियो। सिलगढी नगरनिगमका प्रशासक मण्डलीका चेयरम्यान गौतम देवले रिबन काटेर उक्त टीकाकरण शिविरको उद्घाटन गरे। उक्त शिविरमा विद्यार्थीहरू लगायत कलेजका प्राध्यापक, शिक्षक-शिक्षिकाहरूलाई कोरोनाको खोप लगाइनेछ भने उक्त शिविर दुई दिनसम्म चल्नेछ। यस अवसरमा प्रशासक गौतम देवले भने, सबै विद्यार्थीहरू स्वस्थ रहोस् भन्ने मुख्यमन्त्री ममता ब्यानर्जी चाहना रहेकोले गर्दा नै सिलगढीको सबै कलेजहरूमा टीकाकरण शिविरको आयोजना गरिरहेको छ।