सिलगढीको फाँसीदेवा मोडबाट 4 जना डकैत पक्राउ

सिलगढी : सिलगढी मेट्रोपलिटनको मतिगढा थाना पुलिसले सादा पोशाकमा गत राति अभियान चलाएर डकैत गुटको 4 जना युवकलाई पक्राउ गरेपछि आज सिलगढी अदालतमा पेश गर्यो। पक्रा परेकाहरूमा सिलगढी नगरनिगमको 4 नम्बर वार्ड निवासी बाबई कर्मकार, एनजेपी थाना निवासी पंकज राय, प्रधान नगर निवासी नवीन राय र मतिगढा निवासी बलई कारजी सामेल छन्। स्मरण रहोस्, केही दिन अघि मतिगढा थाना पुलिसले गोप्य सूचनाको आधारमा फाँसीदेवा मोड़मा अभियान चलाएर 4 जना दुष्कृतिलाई हतियारसहित पक्राउ गरेको थियो भने केही दुष्कृतिहरू घटनास्थलबाट भाग्न सफल बनेका थिए। उक्त दुष्कृतिहरू सहरमा कुनै ठुलो घटनालाई अन्जाम दिनको लागि फाँसीदेवा मोडमा एकत्रित भएको पुलिसले अनुमान लगाएको छ। घटनाको जाँचमा जुटेका पुलिसले गत राति अभियान चलाएर उक्त गुटका अझै 4 जना दुष्कृतिलाई पक्राउ गरेको बताइएको छ। घटनाको जाँच शुरू गरेको पुलिस सूत्रले जनाएको छ।