सिलगढीको रेगुलेटेड मार्केटबाट प्रतिबन्धित कफ सिरप सहित व्यक्ति पक्राउ

सिलगढी : सिलगढीको रेगुलेटेड मार्केटमा मादक पदार्थको किन-बेचको व्यवसाय चलिरहेको छ। प्रधाननगर थाना पुलिसले गत राति प्रतिबन्धित कफ सिरप सहित एकजना व्यक्तिलाई पक्राउ गरेपछि आज सिलगढी अदालतमा पेश गर्यो। प्राप्त जानकारी अनुसार रफिकुल इस्लाम नाम गरेका एकजना व्यक्ति अलिपुरद्वारको फालाकाटबाट प्रतिबन्धित कफ सिरप लिएर रेगुलेटेड मार्केटमा बिक्री गर्ने उद्देश्यले आएका थिए। गोप्य सूचनाको आधारमा प्रधान नगर थाना पुलिसले अभियान चलाएर प्रतिबन्धित कफ सिरप सहित उक्त व्यक्तिलाई पक्राउ गरेको बताइएको छ। पुलिसले घटनाको जाँच शुरू गरेको छ।