सिलगढीको सन्तोषीनगरबाट धेरैवटा सुगा उद्धार

सिलगढी : सिलगढी नगरनिगमको पर्यावरण विभागले छापामार अभियान चलाएर धेरैवटा सुगा उद्धार गरेको छ। गोप्य सूचनाको आधारमा आज नगरनिगमका पर्यावरण विभागले सिलगढी नगरनिगमको 5 नम्बर वार्ड अन्तर्गत सन्तोषीनगरस्थित एउटा आटा मिलमा छापामार अभियान चलाएर 8 वटा सुगा उद्धार गरेको छ। उक्त इलाकामा धेरै समय अघिदेखि आटा मिलको आडमा अवैध रूपमा सुगा बेच्ने व्यवसाय चलाइरहेको थियो। नगरनिगमको पर्यावरण विभागका अधिकारीहरूले बताएअनुसार उद्धार गरेको उक्त सुगाहरू वन विभागलाई सुम्पिनेछ। उक्त सुगाहरू नक्सलबारी ल्याउने गरेको बताइएको छ।